"Ir wisen, mercken min gedicht Und laussen üch verdriessen niht, Ob ich ein wil von torheit sag. Es ist nitt lang, an ainem tag 5 In einer liechten summerzytt, Als sich die vogel widerstrit Erbrechen nach gesanges wiß Und mänig ast sin blüend riß Nach allem wunsch erzöget hat, 10 Do ward ich mit mir selb zuo rat Und gieng spacziern in ainen walt, Dar inn die vogel mänigvalt Mit fröden sungen ir gesang. Do fand ich ainen fuosstig lang, 15 Der truog mich in ain klingen tieff, Da mänig vogel sang und rieff Mitt luter stymm, als im gezam. |
Gar schier ich zuo aim wasser kamm, Das gieng ich schovwen hin zu tal, 20 Do mänig brunn uß felsen qual Von hohen bergen hie und dort. Besonder by ains brunnen bort Sach ich gelesten gen mir her on manger riche koste swer 25 Ain schön gezelt von semit blavw. Davor da stünd ain man, was graw, Mit ainem schönen langen bart, Als ob er waer der Eckhart, Von dem man sagt in Venus bergk." |